ᐅᓛᔪ ᐊᑭᓱ

ᐊᖓᔪᖅᑳᖅ / ᐊᖓᔪᖅᑳᑉ ᑐᖏᓕᐊ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

 

ᐅᓛᔪ ᑲᑎᒪᔨᐅᖃᑕᐅᓯᒪᐃᓐᓇᖅᑐᖅ ᐅᑭᐅᖅᑕᖅᑐᒥ 1999−ᒥᓂᑦ ᐊᔅᓱᕈᐃᓐᓇᖅᑐᓂᓗ ᐃᑲᔪᕋᓱᐊᖅᑐᓂ ᐃᓄᓐᓂᑦ ᕿᑭᖅᑖᓗᒻᒥ ᐱᓇᓱᐊᖏᓐᓇᖅᑐᓂᓗ. ᒪᓕᒐᓕᐅᖅᑎᐅᖃᑕᐅᓪᓗᓂ ᕿᑭᖅᑖᓘᑉ ᓂᒋᐊᓄᑦ 1999−ᒥᓂᑦ 2008−ᒧᓄᑦ. ᒪᓕᒐᓕᐅᖅᑎᐅᓂᖓᓐᓂ, ᒥᓂᔅᑕᐅᓚᐅᖅᓯᒪᒻᒥᔪᖅ ᐅᔭᕋᕐᓂᐊᖅᑐᓕᕆᓂᕐᒧᑦ, ᐊᕙᑎᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᐊᒻᒪᓗ ᐃᖏᕐᕋᔪᓕᕆᓂᕐᒧᑦ.

ᐅᓛᔪᖅ ᐱᖓᓱᐊᖅᑎᖅᑐᓂ ᐃᓕᓯᒪᓚᐅᖅᓯᒪᔪᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ ᑲᑎᒪᔨᐅᓂᕐᒧᑦ, ᒪᕐᕈᐊᖅᑎ ᑲᑎᒪᔨᐅᓪᓗᓂ ᑭᓐᖓᕐᓄᑦ, ᐊᖏᔪᖅᑳᑉ ᑐᖏᓕᕆᓪᓗᓂᐅᒃ ᐊᒻᒪᓗ ᒫᓐᓇᕈᓗᒃ ᓂᕈᐊᖅᑕᐅᓪᓗᓂ ᕿᑭᖅᑕᓂᒃᑯᓐᓄᑦ ᐊᖏᔪᖅᑳᖑᓪᓗᓂ. ᑕᐃᑲᓂ, ᐃᑲᔪᓚᐅᖅᓯᒪᔪᖅ ᐃᓄᐃᑦ ᐊᑦᑐᖅᑕᐅᓂᐊᕐᓂᖓᓐᓄᑦ ᐱᕚᓪᓕᕈᑎᔅᓴᓄᓪᓗ ᐊᖏᕈᑎᖓᓐᓂ (IIBA) ᓄᓘᔮᒧᑦ, ᐃᔅᓯᕙᐅᑕᐅᖃᑕᐅᓪᓗᓂᓗ ᐃᓄᐃᑦ ᐊᑦᑐᖅᑕᐅᓂᐊᕐᓄᖓᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑎᖓᓐᓂ (IIBA) ᑲᑎᒪᔨᕋᓛᓄᑦ ᐱᒋᐊᖅᑐᓂ 2013-2016.

ᐃᓅᓯᕐᒥᓂᒃ ᐋᓯᕙᒃ ᐊᓯᕙᕈᒻᒪᐅᓪᓗᓂ ᓂᕿᔅᓴᖅᓯᐅᖃᑦᑕᖅᑐᓂ ᐃᓚᒥᓄᑦ; ᓂᓪᓕᐊᔾᔪᑎᖃᕆᐊᕐᓗ ᐱᖅᑯᓯᕐᒥᓂᒃ ᖁᕕᐊᒋᑦᑎᐊᖅᑕᖓ ᐃᓄᐃᑦ ᐃᓕᖅᑯᓯᖏᓐᓂ ᐅᑉᐱᕆᔭᖏᓐᓂᓪᓗ. ᐅᓛᔪ ᐊᑭᓱ ᐃᓅᓚᐅᖅᓯᔪᖅ ᐱᕈᖅᓴᖅᓯᒪᓪᓗᓂᓗ ᑭᓐᖓᕐᓂ ᒫᓐᓇ ᐃᖃᓗᒻᒥᐅᖑᖃᑎᓕᒃ ᓄᓕᐊᕐᒥᓂᒃ.