Angijuqqaaq Nunasi Kuapuriisakkunnut, Aani piliriqatiqarumattiaqtuq gavamakkut sivuliqtinginni nakituinnaaqtunik parnautiliuqpallialluni pigiarutissanik Inuit makimajjutissanginnut nunanillu pijaujumajunik. Iqalummiuq, Nunavummi, Aani piliriqattaqsimattiaqtuq kikkutuinnarnut piqujalirinirmit, tusaumaqattautilirinirmit sivuliqtiunirmillu − pilimmassimattiaqtuq nilliajiulluni, katujjiqatigiinnik piruqpalliajunik, Nunasikkunillu kajusitittinirmit pilirianginni.

Aani ajjiungittutni piliriqattaqsimajuq pijittiraqtiusimallunilu Aulattiqattaqtunik Piqujalirinirmit Tusaumaqattautilirinirmillu Kanatami Katujjiqatigiinnut Upakattarviujunut, Aulattiullunilu Nunaqaqqaaqsimajunik Ikajuutilinirmit Kanatami Silarjuami Inuusuttunginnut, Piqujarnit, Avittuqsimajunillu Nilliajiulluni Ministanut Gavamatuqakkunni Nunaqaqqaaqsimajulirijinik, iqqanaijaqattaqsimajuq Inuit Tapiriit Kanatami, Nunavut Tunngavikkunni, Maligaliurvimillu. Qaujimajaugajuttuq saqqijaaqtittiqattarninganni Inuit Qaujimajatuqanginni maligarnit, ikajuqtuinginnaqtunit Inuttitut utiqtitaugasuarninganni, piqqusilirinirmillu quviasuutiqarnirmit. Aani aaqqissuisimammijuq kanatami inuusuttunik katimavijjuarnirmit, kiinaujaqaqtitauninginnillu aulattilluni, piliriqatiqaqtunilu kikkutuinnarnit Kanatami.

Sivuliqtiugaluaqtillugu nunasikkunnut, Aani anaanaulluni, piqqusituqakkut katajjasuungulluni silarjuami namutuinnaq, takumisautiliuqtiulluni, nunalinnillu ikajuqattasuungulluni akiliqsuqtaunani katimajiuqataulluni amisukallannut katujjiqatigiinnut. Upigijattiaq takunnarnianni piujualunnit, parnautissanillu, pilirijumattiarninganillu tigumiarumattiaqtuni inuit nunalinginni.