Kaisi Atlam
Kaisi Angijuqqaangujuq Laaga Qitirmiunit Jalunaivmi ammalu Laagalirinirmit Atmantanmi. Talurjuamiutaulauqsimajuq, Nunavummi, upigijaqallarittuq Nattilimmiut uqausinginni piqqusinginnillu. Kaisi sivulliqpaami iqqanaijavaallulauqsimajuq kuuqarvimmi ikajuqtiulluni aanniaviliaqtunut utaqqivimmi taikani Liina Paatusan Utaqqivinganni 1980−nginni. Takunnaqtangit Laagakkut Katujjijunik pijittirlutit tamakkuninga aanniaviliaqtut pisimajaugiaqarninginni pijittiqtaugiaqarninginnillu tunngaviqarlutit inuit piqqusinginni. Kaisi qanuqtuuqattarmijuq parnautiugajaqtunik piliriqatinginnut saqqijaaqtittillunilu inunnut nunalinnut avittuqsimaninginni tigumiaqtunilu inuit aanniaqtailimajulirinirmit ilagijaujunik kamaqattaqtuni. Sanngijuumijumit pisimattinirmit ikajuqtuinirmillu iqqanaijaqtilimaarnit inunnillu pijittiqtanginni takunnannguanginnaqtuq qanuq piuniqpaangugajarmangaaq.