ᑖᓯ ᐋᑭᕚᒃ ᐃᓕᓚᐅᖅᓯᒪᔪᖅ ᕿᑭᖅᑕᓂᒃᑯᓐᓄᑦ ᓄᓇᓕᓐᓂ ᑲᑎᒪᔨᐅᓪᓗᓂ ᑭᒻᒥᕈᒧᑦ 2023−ᒥᑦ ᓂᕈᐊᕐᓂᖅᑕᖃᖅᑎᓪᓗᒍ, ᐱᖓᔪᐊᓐᓂ ᐃᓕᓯᒪᓕᖅᑐᖅ ᕿᑭᖅᓂᒃᑯᓐᓄᑦ ᑲᑎᒪᔨᐅᓪᓗᓂ. ᑕᐃᑲᓂᔅᓴᐃᓐᓇᖅ ᐊᕐᕌᒍᒥ, ᑎᒃᑯᐊᖅᑕᐅᓪᓗᓂ ᕿᑭᖅᑕᓂᒃᑯᑦ ᓯᕗᓕᖅᑏᑦ ᑲᑎᒪᔨᕋᓛᖏᓐᓄᑦ, ᑲᒪᓕᖅᑐᓂ ᕿᑭᖅᑖᓗᒃ ᑯᐊᐳᕇᓴᒃᑯᓐᓂ.

ᑕᐃᒪᓐᓂ ᓯᕗᓪᓕᖅᐹᒥ ᓂᕈᐊᖅᑕᐅᒻᒪᑦ 2014−ᒥ, ᑖᒥ ᓯᕗᓕᖅᑎᕈᖅᐸᓪᓕᐊᓕᓚᐅᖅᓯᒪᕗᖅ, ᐃᔅᓯᕙᐅᑕᐅᓪᓗᓂᓗ ᐃᓚᒌᑐᓄᑦ ᑮᓇᐅᔭᓕᕆᓂᕐᒥᑦ ᑲᑎᒪᔨᕋᓛᖏᓐᓄᑦ, ᓄᓇᓕᕆᓂᕐᒧᑦ ᑲᑎᒪᔨᕋᓛᖏᓐᓄᑦ, ᑐᙵᕕᒃᑯᓄᓪᓗ ᐆᒪᔪᓕᕆᓂᕐᒧᑦ ᑲᑎᒪᔨᕋᓛᖑᑕᐅᓪᓗᓂ.

ᐱᓕᕆᓯᒪᔪᖅᐹᓘᓪᓗᓂ ᓄᓇᓕᓐᓂᑦ ᐅᑭᐅᖅᑕᖅᑑᓪᓗ ᒐᕙᒪᒃᑯᖏᓐᓂ ᑕᐅᕗᖔᓗ 1980−ᖏᓐᓄᑦ, ᑖᒥ ᓄᓇᓕᓐᓂᑦ ᐱᔨᑦᑎᕋᖅᓯᒪᔪᕐᔪᐊᖅ ᓯᕗᓕᖅᑎᐅᖃᑦᑕᖅᓯᒪᓪᓗᓂᓗ. ᒫᓐᓇ ᑐᑭᒧᐊᑦᑎᑦᑎᔨ ᑲᑕᓐᓂᓕᒃ ᒥᕐᖑᐃᖅᓯᕐᕕᖓᓐᓄᑦ ᑭᒻᒥᕉᑦ ᖃᓂᒋᔭᖓᓐᓄᑦ.

ᐱᓕᕆᔨᒻᒪᕆᐅᒐᓗᐊᖅᑎᓪᓗᒍ ᓯᓚᑖᓂᓕ, ᑖᒥ ᖁᕕᐊᒋᔭᓕᒃ ᓄᓇᒦᒋᐊᖓ ᕿᒧᔅᓯᒃᑯᑦ, ᐊᓯᕙᕐᓂᒃᑯᑦ ᐃᖃᓪᓕᐊᕈᒻᒪᐅᓪᓗᓂᓗ.