ᑳᕈ ᐅᑮᑉ ᐃᖅᑲᓇᐃᔭᖅᓯᒪᓕᖅᑐᖅ 23−ᓄᑦ ᐅᖓᑖᓄᑦ ᐅᑭᐅᓄᑦ ᐱᓕᕆᖃᑦᑕᖅᓯᒪᔪᕐᔪᐊᖅ ᑲᒪᑦᑎᐊᖅᓯᒪᓪᓗᓂᓗ ᐊᐅᓚᑦᑎᔨᐅᓪᓗᓂ ᐴᓗᒃᑯᓐᓄᑦ, ᐃᓕᓚᐅᖅᓯᒪᔪᖅ ᐊᑦᑑᑉᐱᕆ 2024−ᒥ. ᐃᖅᑲᓇᐃᔮᒥᓂᒃ ᐱᒋᐊᓚᐅᖅᓯᒪᔪᖅ ᒪᕐᕉᓐᓄᒃ ᐊᕐᕌᒎᓐᓄᒃ ᐃᓕᓐᓂᐊᖅᑐᓂ ᖃᐅᔨᓴᖅᑐᓕᕆᓂᕐᒥᑦ ᑕᐃᑲᓂ NAIT−ᑯᓐᓂ ᑕᐃᒪᙵᓂ ᐱᓕᕆᓯᒪᔪᖅ ᑕᑯᓐᓇᖅᑕᒥᓂᓪᓗ ᐅᑭᐅᖅᑕᖅᑐᒥ ᑲᔪᓯᑎᑦᑏᓐᓇᖅᑐᓂ.

ᑕᐃᒪᙵᓂ ᐴᓗᒃᑯᓐᓃᓕᕐᖓᑦ ᓰᑏᑉᐱᕆ 2012−ᒥᓂᑦ, ᑳᕈ ᐊᐅᓪᓚᖃᑕᐃᓐᓇᓚᐅᖅᑐᖅ ᓄᓇᓕᓐᓄᑦ ᓄᓇᕗᒥ ᓄᓇᑦᑎᐊᒥᓗ, ᐊᖏᕐᕋᓖᑦ ᑕᑎᖃᖅᑐᑦ ᑕᑯᓐᓇᖅᑕᒥᓂᒃ ᐱᔨᑦᑎᑦᑎᐊᖅᑕᐅᖁᓪᓗᓂᒋᑦ. ᐱᓕᕆᑦᑎᐊᖅᑐᐊᓗ ᖃᓄᐃᖁᓇᒋᓪᓗ ᐱᔨᑦᑎᖅᑕᐅᔪᑦ ᓇᒻᒥᓂᕐᓗ ᐱᓕᕆᔪᒪᑦᑎᐊᖅᑐᓂ ᐃᑲᔪᖅᑐᖅ ᐃᓄᓐᓂᑦ ᐊᑲᐅᔪᒦᖁᓪᓗᒋᓪᓗ.

ᑳᕈ ᔭᓗᓇᐃᕝᒨᓚᐅᖅᓯᒪᔪᖅ 1997−ᒥ ᐅᑭᐅᖅᑕᖅᑐᒥᐅᑕᕈᓪᓚᕆᑦᑐᓂ ᑕᐃᒪᙵᓂ. ᐱᔨᑦᑎᖅᑕᖏᑦ ᖁᕝᕙᓯᓐᓂᖅᐹᑦᑎᐊᒃᑯᑦ ᑲᒪᒋᔭᐅᑦᑎᐊᖁᓪᓗᓂᒋᑦ ᑕᑯᓐᓇᖅᑕᒥᓂᓪᓗ ᑲᔪᓯᑎᑦᑎᑦᑎᐊᖅᑐᓂ.