ᐊᖏᔪᖅᑳᖅ ᓄᓇᓯ ᑯᐊᐳᕇᓴᒃᑯᓐᓄᑦ, ᐋᓂ ᐱᓕᕆᖃᑎᖃᕈᒪᑦᑎᐊᖅᑐᖅ ᒐᕙᒪᒃᑯᑦ ᓯᕗᓕᖅᑎᖏᓐᓂ ᓇᑭᑐᐃᓐᓈᖅᑐᓂᒃ ᐸᕐᓇᐅᑎᓕᐅᖅᐸᓪᓕᐊᓪᓗᓂ ᐱᒋᐊᕈᑎᔅᓴᓂᒃ ᐃᓄᐃᑦ ᒪᑭᒪᔾᔪᑎᔅᓴᖏᓐᓄᑦ ᓄᓇᓂᓪᓗ ᐱᔭᐅᔪᒪᔪᓂᒃ. ᐃᖃᓗᒻᒥᐅᖅ, ᓄᓇᕗᒻᒥ, ᐋᓂ ᐱᓕᕆᖃᑦᑕᖅᓯᒪᑦᑎᐊᖅᑐᖅ ᑭᒃᑯᑐᐃᓐᓇᕐᓄᑦ ᐱᖁᔭᓕᕆᓂᕐᒥᑦ, ᑐᓴᐅᒪᖃᑦᑕᐅᑎᓕᕆᓂᕐᒥᑦ ᓯᕗᓕᖅᑎᐅᓂᕐᒥᓪᓗ − ᐱᓕᒻᒪᔅᓯᒪᑦᑎᐊᖅᑐᖅ ᓂᓪᓕᐊᔨᐅᓪᓗᓂ, ᑲᑐᔾᔨᖃᑎᒌᓐᓂᒃ ᐱᕈᖅᐸᓪᓕᐊᔪᓂᒃ, ᓄᓇᓯᒃᑯᓂᓪᓗ ᑲᔪᓯᑎᑦᑎᓂᕐᒥᑦ ᐱᓕᕆᐊᖏᓐᓂ.

ᐋᓂ ᐊᔾᔨᐅᖏᑦᑐᑦᓂ ᐱᓕᕆᖃᑦᑕᖅᓯᒪᔪᖅ ᐱᔨᑦᑎᕋᖅᑎᐅᓯᒪᓪᓗᓂᓗ ᐊᐅᓚᑦᑎᖃᑦᑕᖅᑐᓂᒃ ᐱᖁᔭᓕᕆᓂᕐᒥᑦ ᑐᓴᐅᒪᖃᑦᑕᐅᑎᓕᕆᓂᕐᒥᓪᓗ ᑲᓇᑕᒥ ᑲᑐᔾᔨᖃᑎᒌᓐᓄᑦ ᐅᐸᑲᑦᑕᕐᕕᐅᔪᓄᑦ, ᐊᐅᓚᑦᑎᐅᓪᓗᓂᓗ ᓄᓇᖃᖅᑳᖅᓯᒪᔪᓂᒃ ᐃᑲᔫᑎᓕᓂᕐᒥᑦ ᑲᓇᑕᒥ ᓯᓚᕐᔪᐊᒥ ᐃᓅᓱᑦᑐᖏᓐᓄᑦ, ᐱᖁᔭᕐᓂᑦ, ᐊᕕᑦᑐᖅᓯᒪᔪᓂᓪᓗ ᓂᓪᓕᐊᔨᐅᓪᓗᓂ ᒥᓂᔅᑕᓄᑦ ᒐᕙᒪᑐᖃᒃᑯᓐᓂ ᓄᓇᖃᖅᑳᖅᓯᒪᔪᓕᕆᔨᓂᒃ, ᐃᖅᑲᓇᐃᔭᖃᑦᑕᖅᓯᒪᔪᖅ ᐃᓄᐃᑦ ᑕᐱᕇᑦ ᑲᓇᑕᒥ, ᓄᓇᕗᑦ ᑐᙵᕕᒃᑯᓐᓂ, ᒪᓕᒐᓕᐅᕐᕕᒥᓪᓗ. ᖃᐅᔨᒪᔭᐅᒐᔪᑦᑐᖅ ᓴᖅᑭᔮᖅᑎᑦᑎᖃᑦᑕᕐᓂᖓᓐᓂ ᐃᓄᐃᑦ ᖃᐅᔨᒪᔭᑐᖃᖏᓐᓂ ᒪᓕᒐᕐᓂᑦ, ᐃᑲᔪᖅᑐᐃᖏᓐᓇᖅᑐᓂᑦ ᐃᓄᑦᑎᑐᑦ ᐅᑎᖅᑎᑕᐅᒐᓱᐊᕐᓂᖓᓐᓂ, ᐱᖅᑯᓯᓕᕆᓂᕐᒥᓪᓗ ᖁᕕᐊᓲᑎᖃᕐᓂᕐᒥᑦ. ᐋᓂ ᐋᖅᑭᔅᓱᐃᓯᒪᒻᒥᔪᖅ ᑲᓇᑕᒥ ᐃᓅᓱᑦᑐᓂᒃ ᑲᑎᒪᕕᔾᔪᐊᕐᓂᕐᒥᑦ, ᑮᓇᐅᔭᖃᖅᑎᑕᐅᓂᖏᓐᓂᓪᓗ ᐊᐅᓚᑦᑎᓪᓗᓂ, ᐱᓕᕆᖃᑎᖃᖅᑐᓂᓗ ᑭᒃᑯᑐᐃᓐᓇᕐᓂᑦ ᑲᓇᑕᒥ.

ᓯᕗᓕᖅᑎᐅᒐᓗᐊᖅᑎᓪᓗᒍ ᓄᓇᓯᒃᑯᓐᓄᑦ, ᐋᓂ ᐊᓈᓇᐅᓪᓗᓂ, ᐱᖅᑯᓯᑐᖃᒃᑯᑦ ᑲᑕᔾᔭᓲᖑᓪᓗᓂ ᓯᓚᕐᔪᐊᒥ ᓇᒧᑐᐃᓐᓇᖅ, ᑕᑯᒥᓴᐅᑎᓕᐅᖅᑎᐅᓪᓗᓂ, ᓄᓇᓕᓐᓂᓪᓗ ᐃᑲᔪᖃᑦᑕᓲᖑᓪᓗᓂ ᐊᑭᓕᖅᓱᖅᑕᐅᓇᓂ ᑲᑎᒪᔨᐅᖃᑕᐅᓪᓗᓂ ᐊᒥᓱᑲᓪᓚᓐᓄᑦ ᑲᑐᔾᔨᖃᑎᒌᓐᓄᑦ. ᐅᐱᒋᔭᑦᑎᐊᖅ ᑕᑯᓐᓇᕐᓂᐊᓐᓂ ᐱᐅᔪᐊᓗᓐᓂᑦ, ᐸᕐᓇᐅᑎᔅᓴᓂᓪᓗ, ᐱᓕᕆᔪᒪᑦᑎᐊᕐᓂᖓᓂᓪᓗ ᑎᒍᒥᐊᕈᒪᑦᑎᐊᖅᑐᓂ ᐃᓄᐃᑦ ᓄᓇᓕᖏᓐᓂ.