Una Angayokanguvluni tatvani Nunasi Timingatni, Annie Arhoktok hakkugirhivalikuvlugit havakatigiktot kavamatkutlu hivuliktit humilikak tatvalu hivuligahuaklutik parnaiyaotikhanik havagilugit pivaliutikhaitnik Inuit pivaliatjutikhaitnik tatvalu nunaliitni piyomayaitnik. Nunakaktok tatvani Iqalungni, Nunavut, Annie tigomiaktok kangagalok ayungitamingnik kavamatkut maligaitnik, tohaktitjutinik, tatvalu hivuliktionikminik-ayungitaminik ihuaghaitjutigiyaminik ikkayutikhanik ukkautikakpakhuni, timionunik naovatliatjutikhaitnik, tatvalu ukkua Nunasi-kut nakuatot ihuaghivaliotaitnik.

Annie una allatkinik ayungitaminik hivumuvaliatjutait illaliotihimayot hapkua Ataniat Maligalikinikut tatvalu Tohaktitilikinikut tatvani Kanatamiut Katuyikatigit hapkua Illanagiktot Katitakviitni, Ataniat tatvani Nunakakaktot Havagiyaoyut Kanatami Hilakjuakmiut Inolgamiit, Maligalikinikut, tatvalu Aviktoghimayuni Pivalialikinikut Ihomatauvluni Ministamut Kavamatokatkutni-Nunakakaktot Ikkayoktigiktuni, tatvalu havakhimavluni tahapkunani Inuit Tapiriit Kanatami, Nunavut Tunngavik Timingatni, tatvalu Maligaliokvikjuami. Kauyimayauyok tohakpaliktitivakhuni Inuit Qaujimajatuqangitnik atoktaoyunik, ikkayokpakhuni Inuktitut ukkauhiitnik tamaktailitjutikhaitnik, tatvalu ihuaghaivakhuni iliitkuhiktutinik hulilokakvikhanik. Annie ihuaghaivaktok kanatamiutni inolgamiit katimakjuakutaitnik, ataniktokhimavluni aittutaohimayonik manighanik hulilokakutinik, pivaligahuakpakhuni ikkayutikhanik ikkayokikakhuni humitlikak Kanatamiuniit.

Ahianik hivuliktioninganik tatvani Nunasi-kuni, Annie amamauyok, qiavjaqtiuvluni attoktuyakhimayok hilakjuami, pinikutinik hannauyakpakhuni, tatvalu nutkayuitok nunagiyamini ikkayoinakhuni tatvalu katimayiuvluni kaffini katimayioyuni. Una arnak ihomagiyaotiaktok ihuaghaiyungnakmat ihomagiyaminik, parnaiyautikhanik ihuaghaivakmat, tatvalu tunnikhimainakpakhuni pivaliutikhaitnik hapkua Inuit nunakaktigit.