Tommy Akavak niguaktaohimaitomik uttiffaktok tatvani Qikiktani Nunaliitni Katimayiolikhuni Kimmirut-mi tatvani 2023-mi Nigoaktitihimangmata, titiktaovluni pingahuannik nigoaktaovluni tatvunga QIA-kut Katimayiitnun. Tatvani ukkiumi huli, tikoaktaohimayok tatvunga QIA-kut Atanioyut Katimayiitnun, havagilikhuniok tahamna Qikiqtaaluk Timingani kivgaktoilikhuni.

Tatvanganin hivulikpamik nigoaktaongagami 2014-mi, Tommy tigomiakhimayok kaffinik hivuliktiuninganik havagiyaoyonik, illaliotivlugo una ighivaotalik tatvani Ilagiitunnut Manighakhaitnik Katimayigalaatni, tatvani Nunalikiyiit tatvalu Nungulaitunik Katimayigalaatni, tatvalu NTI-kut Angutighalikinikut Katimayigalaatni.

Tigomiakhuni kangagalok ayoghimayaminik tamakmik nunaliitni tatvalu aviktoghimayomi kavamatkut havakvigihimavlugit taimanganin 1980-nin, Tommy tungaviliokhimayok takkiyomik naunaipkutikakhuni nunaliitni havaktutokaovluni tatvalu hivuliktiovluni. Ublumi havakaktok Ihuakhaiyiovluni tatvani Katannilik Pullaktakvikmi kaningani Kimmirut.

Havangitagangami, Tommy alliahukpaktok manikami kinmikut aullakpakhuni, angunahuakpakhuni, ikalukpiokpakhunilo.