ᐆᒻᒪᖅᑯᑎᓕᕆᓂᖅ
ᓄᓇᓯᒃᑯᑦ ᐊᒻᒪᓗ ᕿᑭᖅᑖᓗᒃ ᑯᐊᐳᕇᓴᓐᑯᑦ ᐊᖅᑯᑎᒋᓪᓗᒍ ᑮᓇᐅᔭᑦᓴᓂᖅᓯᒪᔭᖓᑦ ᓄᓇᕗᑦ ᐅᖅᓱᐊᓗᓕᕆᓂᕐᒧᑦ ᑯᐊᐳᕇᓴ.. ᐅᖅᓱᖅ ᑯᐊᐳᕇᓴ ᐅᖅᓱᐊᓗᒻᒥᒃ ᐊᐅᓚᑦᓯᓂᖃᖅᐸᑦᑐᑦ ᐊᑦᑕᓇᖏᑦᑐᑎᒍ ᐊᑐᐃᓐᓇᐅᔪᓄᓪᓗ ᓯᕐᓗᐊᖃᕐᕕᓐᓂᑦ ᐅᓯᑲᑦᑕᖅᑕᐅᒍᑕᐅᕙᑦᑐᓂᑦ ᐅᖅᓱᐊᓗᓐᓂᑦ.
ᓄᓇᓯᒃᑯᑦ ᐱᕈᖅᐸᓪᓕᐊᑎᑦᑎᕙᑦᑐᑦ ᐱᐅᔪᓂᒃ ᓄᓇᕗᒻᒥ ᒪᑭᒪᔾᔪᑎᔅᓴᐅᔪᓂᓪᓗ ᐱᓕᕆᖃᑎᖃᖅᑐᑎᑦ ᐊᕕᑦᑐᖅᓯᒪᔪᓂᒃ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᕐᓂᑦ, ᐊᕕᑦᑐᖅᓯᒪᔪᓂᒃ ᐃᓄᐃᑦ ᑲᑐᔾᔨᖃᑎᒌᖏᓐᓂ ᐊᒻᒪᓗ ᓄᓇᓕᓐᓂᑦ ᐆᒻᒪᖅᑯᑎᓕᕆᓂᕐᒥᑦ, ᐊᐅᓪᓚᑎᑦᑎᕙᑦᑐᑎᑦ ᑐᖅᑯᐃᕙᑦᑐᑎᓪᓗ.
ᐱᓕᕆᖃᑕᐅᔪᑦ
ᓄᓇᕗᑦ ᐅᖅᓱᐊᓗᓕᕆᔨᒃᑯᑦ ᑯᐊᐳᕇᓴᒃᑯᖏᑦ
ᓄᓇᕗᑦ ᐅᖅᓱᐊᓗᓕᕆᔨᒃᑯᑦ ᑯᐊᐳᕇᓴᒃᑯᖏᑦ ᑲᑎᙵᖃᖅᑐᑦ ᐊᖏᕈᑎᒃᑯᑦ ᓄᓇᓯᒃᑯᓐᓂ ᑯᐊᐳᕇᓴᒃᑯᖏᓐᓂ ᐊᒻᒪᓗ ᕿᑭᖅᑖᓗᒃ ᑯᐊᐳᕇᓴᒃᑯᓐᓂ. ᓄᓇᓯ ᓇᒻᒥᓂᖃᖅᑐᖅ 51%−ᒥᑦ ᑖᔅᓱᒥᖓ ᓄᓇᕗᑦ ᐅᖅᓱᐊᓗᓕᕆᔨᒃᑯᑦ ᑯᐊᐳᕇᓴᒃᑯᑦ, ᕿᑭᖅᑖᓗᒃ ᑯᐊᐳᕇᓴᒃᑯᑦ ᓇᒻᒥᓂᖁᑎᖃᖅᑐᑎᑦ 49%−ᒥᑦ.
ᐅᖅᓱᖅ ᑯᐊᐳᕇᓴᒃᑯᑦ
ᐅᖅᓱᖅ ᑯᐊᐳᕇᓴᒃᑯᑦ ᑲᑎᙵᖃᑎᖃᕐᒥᔪᑦ ᑲᒻᐸᓂᒥᑦ ᓄᓇᓯᒃᑯᓐᓂ ᐅᖅᓱᐊᓗᓕᕆᔨᒃᑯᑦ ᑯᐊᐳᕇᓴᒃᑯᖏᓐᓂ ᐊᒻᒪᓗ ᐋᑦᑯ ᐋᖅᑭᒃᓯᒪᓂᖏᑦ ᐊᒻᒪ ᐱᓕᕆᔾᔪᑎᖏᓐᓂ. ᐅᖅᓱᒃᑯᑦ ᐊᐅᓚᑕᐅᔪᑦ ᓄᓇᕗᑦ ᒐᕙᒪᒃᑯᖏᓐᓄᑦ ᑳᓐᑐᓛᑎᒍᑦ ᐊᑐᖅᑐᐊᖅᑕᐅᓪᓗᑎᑦ ᐊᐅᓚᑕᐅᓪᓗᓂᓗ ᐃᓗᐃᑦᑐᑦ ᐅᖅᓱᐊᓗᐃᑦ ᐅᖅᓱᐊᓗᑦᑕᐅᑎᓂᒃ ᓱᓪᓗᓕᒃᑰᖅᐸᑦᑐᑎᓪᓗ ᐃᖃᓗᓐᓂ, ᓄᓇᕗᒻᒥ.