ᓱᓇᒃᑯᑖᑦ
ᓄᓇᕗᑦ ᑐᙵᕕᒃᑯᑦ ᑎᓕᓯᓚᐅᖅᓯᒪᔪᑦ ᓯᕗᓪᓕᖅᐹᒥ ᐊᑭᓕᔅᓴᓂᑦ ᐅᓂᒃᑳᓕᐅᖁᔨᓪᓗᑎᑦ ᓄᓇᕗᒻᒧᑦ. ᓱᓇᒃᑯᑖᑦ ᑕᒪᒃᑯᐊ ᐃᓚᑰᓗᐊᕐᖓᑕ.
ᓄᓇᓯ ᐱᓕᕆᖃᑎᖃᕐᓂᐊᖅᑐᑦ ᐊᕕᑦᑐᖅᓯᒪᔪᓂᒃ ᐱᕙᓪᓕᐊᔪᓕᕆᓂᕐᒥᑦ ᑯᐊᐳᕇᓴᒃᑯᓐᓂ ᐱᕈᖅᐸᓪᓕᐊᑎᑕᔅᓴᓂᑦ ᐊᒻᒪᓗ ᐱᕙᓪᓕᐊᓗᑎᑦ ᓱᓇᒃᑯᑖᕐᓂᑦ ᐃᑲᔫᑎᐅᒐᔭᖅᑐᓂᒃ ᓄᓇᕗᒻᒥᐅᑕᕐᓄᑦ ᐊᒻᒪᓗ ᐅᑎᖅᑎᑦᑎᕕᐅᒍᓐᓇᕐᓗᑎᑦ ᑎᒍᒥᐊᖅᑎᐅᖃᑕᐅᔪᓄᑦ.
ᓄᓇᓯ, ᐱᕈᖅᐸᓪᓕᐊᑎᑕᔅᓴᓄᑦ ᓄᓇᕗᒻᒥ ᐃᓪᓗᓕᐅᖅᑏᑦ ᑮᓇᐅᔭᓕᐅᕋᓱᐊᖅᑏᑦ ᑲᑐᔾᔨᖃᑎᒌᖏᑦ, ᐱᖃᑕᐅᔪᑦ ᐱᕙᓪᓕᐊᑎᑦᑎᓂᒃᑯᑦ ᓴᓇᓂᖏᓐᓂᓪᓗ ᓂᐅᕐᕈᑎᔅᓴᐅᒐᔭᖅᑐᓄᑦ ᐃᓄᓕᕆᓂᕐᒧᓪᓗ ᓱᓇᒃᑯᑖᔅᓴᓂᒃ ᓄᓇᕗᒻᒥ.
ᐱᓕᕆᖃᑕᐅᔪᑦ
ᓄᓇᕗᒻᒥ ᐃᓪᓗᓕᐅᖅᑏᑦ ᑮᓇᐅᔭᓕᐅᕋᓱᐊᖅᑏᑦ ᑲᑐᔾᔨᖃᑎᒌᖏᑦ
ᓄᓇᕗᒻᒥ ᐃᓪᓗᓕᐅᖅᑏᑦ ᑮᓇᐅᔭᓕᐅᕋᓱᐊᖅᑏᑦ ᑲᑐᔾᔨᖃᑎᒌᖏᑦ ᐃᓚᖃᖅᑐᑦ ᑲᒻᐸᓂᒥᑦ ᓄᓇᓯᒃᑯᓐᓂ ᐱᕙᓪᓕᐊᔪᓕᕆᓂᕐᒥ ᐊᒻᒪᓗ ᓄᓇᓯᒃᑯᑦ ᐱᖁᑎᖏᓐᓂ. ᑖᒃᑯᐊ ᑲᒻᐸᓂᐅᔪᑦ ᑳᓐᑐᓛᖃᖅᑐᑦ ᒐᕙᒪᑐᖃᒃᑯᓐᓂᑦ ᐊᖅᑭᔅᓱᐃᓗᑎᑦ, ᓇᒻᒥᓂᖃᕐᓗᑎᑦ ᐊᑐᖅᑐᐊᖅᑎᑦᑎᓗᑎᓪᓗ ᒐᕙᒪᑐᖃᒃᑯᑦ ᓱᓇᒃᑯᑖᕆᔭᕆᐊᓕᖏᓐᓂ ᓄᓇᕗᒻᒥ. ᓄᓇᓯᒃᑯᑦ ᓴᒃᑯᑯᓪᓗ ᐱᕈᖅᐸᓪᓕᐊᑎᑦᑎᓇᓱᐊᖅᑎᒃᑯᑦ ᑯᐊᐳᕇᓴᖏᑦ, ᕿᑎᕐᒥᐅᑦ ᑯᐊᐳᕇᓴᒃᑯᖏᑦ ᐊᒻᒪᓗ ᕿᑭᖅᑖᓗᒃ ᑯᐊᐳᕇᓴᒃᑯᖏᑦ ᐊᑐᓂ ᓇᒻᒥᓂᖃᖅᑐᑦ 25%−ᒥᑦ ᓄᓇᕗᒻᒥ ᐃᒡᓗᓕᐅᖅᑏᑦ ᑮᓇᐅᔭᓕᐅᕋᓱᐊᖅᑏᑦ ᑲᑐᔾᔨᖃᑎᒌᖏᑦ.