ᐊᓯᖏᑦ ᐱᕈᖅᐸᓪᓕᐊᑎᑕᐅᓇᓱᐊᖅᑐᑦ
ᓄᓇᓯ ᐱᕈᖅᐸᓪᓕᐊᑎᑕᐅᓇᓱᐊᖅᑐᓂᒃ ᐱᑕᖃᕐᒥᔪᖅ ᑮᓇᐅᔭᓕᕆᓂᕐᒥᑦ ᐱᔨᑦᑎᕋᐅᑎᓂᒃ ᐱᓕᕆᐊᕆᔭᕆᐊᓕᓂᓪᓗ ᐸᕐᓇᒋᐊᓕᓐᓂᑦ.
ᐋᕐᑎᑳᒻ (Ardicom)
ᐅᑭᐅᖅᑕᖅᑐᒥ ᓄᓇᖃᖅᑳᖅᑐᒥᓃᑦ ᐱᔨᑦᑎᕋᖅᑎᖏᑦ ᑲᒻᐸᓂᐅᔪᑦ ᐱᓕᕆᖃᑎᖃᖅᑐᑦ ᓄᐊᔅᐅᐃᔅᑎᐊᓪ (NorthwesTel) ᐅᖄᓚᐅᓯᕆᔨᒃᑯᓐᓂ ᐊᒻᒪᓗ ᐅᑭᐅᖅᑕᖅᑐᒥ ᑯᐊᐸᒃᑯᖏᓐᓂ ᓴᖅᑭᓪᓗᑎᑦ ᐋᕐᑎᖄᒻ ᑏᕖᒃᑰᕈᑎᓂᒃ ᐊᑐᓂ ᓇᒻᒥᓂᖃᖅᑐᑎᑦ 33.3%−ᒥ ᑲᒻᐸᓂᐅᔪᒥᑦ. ᐋᕐᑎᖄᒻ ᑏᕖᒃᑰᕈᑎᓂᒃ ᑳᓐᑐᓛᑦᑕᐅᓯᒪᔪᑦ ᓄᓇᑦᑎᐊᑉ ᒐᕙᒪᒃᑯᖏᓐᓄ ᐊᒻᒪᓗ ᓄᓇᕗᒻᒥ ᐊᓯᖏᓐᓄᓪᓗ ᑲᒪᒋᔭᖃᖅᑐᑎᑦ (WAN) ᐱᔨᑦᑎᖃᑦᑕᖅᑐᑦ 58−ᓂ ᓄᓇᓕᓐᓂ ᐅᑭᐅᖅᑕᖅᑐᒥ ᐊᔾᔨᐸᓗᖏᓐᓂᓪᓗ ᐊᓯᖏᓐᓂ ᐱᖓᓱᓄᑦ ᐅᑭᐅᖅᑕᖅᑐᓄᑦ ᐱᔨᑦᑎᕐᒥᔪᑦ.
ᒪᓪᑲ-ᐊᒥᑦ (Malca-Amit)
ᒪᓪᑲ-ᐊᒥᑦ ᓯᓚᕐᔪᐊᒥ ᐅᓯᑲᑦᑕᖅᑏᑦ, ᐃᖏᕐᕋᔪᓕᕆᓂᒃᑯᑦ, ᐸᕐᓇᑎᒃᑯᑦ, ᓄᓇᓕᓐᓂᓪᓗ ᓄᓇᓯᐅᑎᓂᒃ ᖃᖓᑕᓲᕐᓂᓪᓗ ᐱᔨᑦᑎᕋᖅᐸᑦᑐᑦ ᐅᓯᑲᑦᑕᓂᒃᑯᑦ. ᓄᓇᓯ ᑯᐊᐳᕇᓴᒃᑯᑦ ᓇᒻᒥᓂᖃᖅᑐᑎᑦ 51%−ᒥ ᑖᔅᓱᒥᖓ ᒪᓪᑲ-ᐊᒥᑦᒥ ᓄᓇᑦᑎᐊᕐᒥ ᐱᓕᕆᖃᑎᖃᕆᓪᓗᑎᑦ ᒪᓪᑲ-ᐊᒥᑦᒥ ᓅ ᔪᐊᒃᒥ ᑎᒥᐅᔪᒥᑦ ᓇᒻᒥᓂᖃᖅᑐᑎᑦ 49%−ᒥ.
ᐅᑭᐅᖅᑕᖅᑐᒥ ᓄᓇᖃᖅᑳᖅᑐᒥᓃᑦ ᐱᔨᑦᑎᕋᖅᑎᖏᑦ ᑲᒻᐸᓂᐅᔪᑦ (NASCO)
ᓄᓇᓯ ᑯᐊᐳᕇᓴᒃᑯᑦ 25%−ᒥᑦ ᕿᑐᕐᖑᐅᕈᑎᖃᖅᑐᑦ ᐅᑭᐅᖅᑕᖅᑐᒥ ᓄᓇᖃᖅᑳᖅᑐᒥᓃᑦ ᐱᔨᑦᑎᕋᖅᑎᖏᑦ ᑲᒻᐸᓂᐅᔪᑦ. ᓇᒻᒥᓂᖁᑎᖃᖅᑐᑎᑦ ᑕᓇᐃᓂᑦ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᒃᑯᓐᓂ, ᔫᑳᓐᒥ ᐊᓪᓚᓂᑦ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᒃᑯᓐᓂ ᐊᒻᒪᓗ ᐃᓅᕕᐊᓗᐃᑦ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᒃᑯᓐᓂ. ᐅᑭᐅᖅᑕᖅᑐᒥ ᓄᓇᖃᖅᑳᖅᑐᒥᓃᑦ ᐱᔨᑦᑎᕋᖅᑎᖏᑦ ᑲᒻᐸᓂᐅᔪᑦ ᐱᖃᖅᑐᓂ 33.3% ᓇᒻᒥᓂᖃᖅᑐᓂ ᑕᐃᔅᓱᒥᖓ ᐋᕐᑎᑳᒻ (Ardicom) ᑏᕖᒃᑯᕈᓐᓇᐅᑎᓂᒃ.
ᓄᓇᓯ ᑮᓇᐅᔭᓕᕆᓂᕐᒧᑦ ᐱᔨᑦᑎᕋᕐᓂᖅ (NFS)
ᓄᓇᓯ ᑮᓇᐅᔭᓕᕆᓂᕐᒧᑦ ᐱᔨᑦᑎᕋᕐᓂᖅ ᐃᑲᔪᖃᑦᑕᖅᑐᑦ 100%−ᒥᑦ ᐃᓄᐃᑦ ᓇᒻᒥᓂᕆᔭᐅᓪᓗᓂ ᓄᓇᓯ ᑯᐊᐳᕇᓴᒃᑯᑦ. ᓴᖅᑭᖅᑕᐅᓚᐅᖅᓯᒪᔪᖅ 2013−ᒥ ᐱᐅᓂᖅᐹᒥ ᑮᓇᐅᔭᓕᕆᔾᔪᓯᓂᒃ ᐊᐅᓚᑦᑎᓂᕐᒧᓪᓗ ᐱᔨᑦᑎᕋᐅᑎᓂᒃ ᓄᓇᓯ ᐱᓕᕆᖃᑎᖏᓐᓄᑦ ᑲᒻᐸᓂᐅᔪᓄᑦ, ᓄᓇᓯ ᑮᓇᐅᔭᓕᕆᓂᕐᒧᑦ ᐱᔨᑦᑎᕋᐅᑏᑦ ᒫᓐᓇ ᐱᔨᑦᑎᕋᖃᑦᑐᖅᑐᑦ ᐊᒥᓱᓄᑦ ᒥᑭᔫᑎᓄᑦ ᓇᒻᒥᓂᖃᖅᑎᐅᔪᓄᑦ, ᑮᓇᐅᔭᓕᐅᕋᓱᑦᑎᐅᙱᑦᑐᓄᑦ ᐃᒻᒥᒃᑰᖅᑐᓄᑦ ᐱᔨᑦᑎᖃᑦᑕᖅᑐᑦ ᓄᓇᑦᑎᐊᕐᒥ, ᓄᓇᕗᒻᒥ ᑲᓇᑕᒥᓗ.