ᓄᓇᓯᒃᑯᑦ ᐱᓕᕆᖃᑎᖃᕐᓂᐊᖅᑐᑦ ᒐᕙᒪᑐᖃᒃᑯᓐᓂ ᐊᒻᒪᓗ ᐋᖅᑭᔅᓱᐃᓗᑎᑦ ᓄᑖᕐᓂᑦ ᓇᒻᒥᓂᖃᕐᓂᕐᒧᑦ ᒪᓂᒪᔾᔪᑎᔅᓴᓂᒃ ᒪᓕᑦᑐᓂᑦ 5%−ᒥᑦ ᓂᐅᕕᐊᔅᓴᖃᖅᑐᓕᕆᓂᕐᒧᖓᓗᑎᑦ ᓂᐅᕕᖃᑦᑕᕐᓗᑎᑦ ᓄᓇᖃᖅᑳᖅᑐᓃᑦ ᓇᒻᒥᓂᖃᖅᑎᐅᔪᓂᒃ.

ᓄᓇᓯᒃᑯᑦ ᑎᒍᒥᐊᖅᑎᓪᓗᐊᑕᐅᔪᑦ ᓇᑦᓯᖅᑐᒃᑯᓐᓂ, ᐱᓕᕆᖃᑕᐅᔪᑦ ᐱᖓᓱᓄᑦ ᐅᑭᐅᖅᑕᖅᑐᒥ ᐃᓄᓐᓂᑦ ᐸᕐᓇᑦᑎᓂᒃ (Pan-Arctic Inuit Logistics) ᐊᒻᒪᓗ ᐋᑦᑯ ᕗᕋᓐᑕᒃᑯᓐᓂ (ATCO Frontec). ᓇᓯᑦᑐᖅ ᐃᑲᔪᖅᑐᐃᕙᑦᑐᑦ ᐱᔨᑦᑎᕋᕐᓂᕐᒥᑦ ᐃᑲᔫᑎᓂᓪᓗ ᐊᐅᓚᑦᑎᓂᕐᒧᑦ ᒐᕙᒪᑐᖃᒃᑯᓐᓂ ᑲᒪᖃᑦᑕᖅᑐᑎᑦ ᐊᐅᓚᑦᑎᖃᑦᑕᖅᑐᑎᓪᓗ ᑲᓇᑕᒥ ᐅᓇᑕᖅᑐᒃᓴᑦ ᐱᓕᕆᕝᕕᖓ ᐊᓘᑦᒥᑦ (CFS Alert).