ᑯᓄ ᑕᑦᑐᐃᓂ
ᑭᕙᓪᓕᕐᒥ ᐱᕈᔅᓴᕐᓂᑯ, ᓄᓇᕗᒻᒥ, ᑯᓄ ᐊᖏᔪᖅᑳᖑᓚᐅᖅᓯᒪᔪᖅ ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᑎᓯᐱᕆᒥ 2019−ᒥ ᐊᒻᒪᓗ ᑲᑐᔾᔨᖃᑎᒌᑦ ᐊᓪᓚᑦᑎ/ᑮᓇᐅᔭᓕᕆᔨᒋᓪᓗᓂᐅᒃ ᓯᕗᓂᖓᓐᓂ. ᓄᓇᓯ ᑲᑎᒪᔨᖓᓐᓅᓚᐅᖅᓯᒪᔪᖅ 2020−ᒥ ᑲᑎᒪᔩᑦ ᐊᖏᔪᖅᑳᖅᑕᕆᓪᓗᓂᒍᓪᓗ ᐅᑭᐅᖅᑕᖅᑐᒥ ᑯᐊᐸᒃᑯᓐᓂ ᐊᒻᒪᓗ ᐅᑭᐅᖅᑕᖅᑐᒥ ᑯᐊᐸᒃᑯᑦ ᐱᕙᓪᓕᐊᓂᕐᒧᑦ ᑮᓇᐅᔭᓂᒃ. ᑯᓄ ᐅᑉᐱᕆᔭᖃᑦᑎᐊᖅᑐᖅ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐊᒻᒪᓗ ᓴᖅᑭᔮᖅᑎᑦᑎᕙᑦᑐᓂ ᐃᓄᐃᑦ ᐱᖅᑯᓯᖏᓐᓂ. ᓄᓕᐊᕇᒃ ᐱᕐᓇᑎᒃᑯᑦ, ᐱᖓᓲᔪᖅᑐᓂᒃ ᕿᑐᕐᖓᓖᒃ ᑎᓴᒪᐅᔪᖅᑐᓂᓪᓗ ᐃᕐᖑᑕᖃᖅᑐᑎᒃ. [...]
ᑏᓄ ᐳᕉᔅ
ᑏᓄ ᐊᐅᓚᑦᑎᔨᐅᓪᓗᓂ ᐊᐅᓚᓂᕐᒧᑦ ᓴᓪᓕᖅ ᐱᕙᓪᓕᐊᔪᓕᕆᔨᒃᑯᖏᓐᓄ (SDL) 2000−ᒥᓂᑦ ᓴᓪᓕᓂᑦ, ᓄᓇᕗᒻᒥ ᐃᓚᒌᓐᓄᑦ ᓇᒻᒥᓂᖁᑎᖃᑦᑐᑎᑦ 100%−ᒥᑦ ᐃᓄᓐᓄᑦ ᓇᒻᒥᓂᖁᑎᒋᔭᐅᓪᓗᑎᑦ ᐊᐅᓚᑕᐅᓪᓗᑎᓪᓗ ᑲᒻᐸᓂᖓ. ᐃᖅᑲᓇᐃᔮᕐᒥᓂᒃ ᐱᒋᐊᕐᖓᑦ ᓴᓪᓕᖅ ᐱᕙᓪᓕᐊᔪᓕᕆᔨᒃᑯᒥᑦ, ᓇᒻᒥᓂᖁᑎᖃᓚᐅᖅᓯᒪᔪᖅ ᐅᖅᓱᐊᓗᑦᑕᖅᑎᐅᓪᓗᓂ ᐊᖁᑎᓕᐅᖅᑎᐅᓪᓗᑎᓪᓗ. ᑲᒻᐸᓂᖓ ᐊᖏᓪᓕᒋᐊᖅᑐᓂ ᐊᓪᓚᕕᒻᒥ ᐊᑐᖅᑐᐊᖅᑎᑦᑎᓪᓗᑎᑦ, ᐱᔭᓂᑦ ᓂᐅᕕᐊᔅᓴᖃᖃᑦᑕᖅᑐᑎᑦ, ᐊᐅᓪᓚᕈᔾᔨᓂᕐᒥᓪᓗ ᐱᓕᕆᓚᐅᖅᑐᖅ ᐊᐅᓚᑦᑎᑎᓪᓗᒍ. ᑏᓄ ᓂᕈᐊᖅᑕᐅᒻᒪᑦ ᑭᒡᒐᖅᑐᐃᔨᐅᓚᐅᖅᓯᒪᔪᖅ ᓄᓇᓕᒻᒧᑦ ᓄᓇᕗᒻᒥ. ᕼᐊᒻᒪᓚᒃᑯᓐᓂ ᑲᑎᒪᔨᐅᓚᐅᖅᓯᒪᓪᓗᓂ ᒪᐃᔭᐅᑉ ᑐᖏᓕᕆᓪᓗᓂᐅᒃ, ᐃᓕᓐᓂᐊᖅᑐᓕᔨᒃᑯᑦ ᑲᑎᒪᔨᖏᑦᑕ ᐃᔅᓯᕙᐅᑕᕆᓪᓗᓂᐅᒃ, ᓄᓇᕗᒻᒥ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂ ᓯᕗᓕᖅᑎᐅᖃᑕᐅᓪᓗᓂ, ᐊᐃᕖᑦ ᐆᒪᔪᕐᓂᐊᖅᑎᒃᑯᑦ [...]
ᑕᐅᕕᑎ ᑲᑯᒃᑎᓂᖅ
ᑕᐃᕕᑎ ᑲᑯᒃᑎᓂᖅ ᐊᖏᔪᖅᑳᖑᔪᖅ ᐃᖅᑲᓇᐃᔭᖅᑎᓄᓪᓗ ᓯᕗᓕᖅᑎᐅᓪᓗᓂ ᓴᒃᑯᑯᓐᓄᑦ, ᐃᓄᐃᑦ ᐱᒋᐊᕈᑎᒋᓚᐅᖅᓯᒪᔭᖓ ᑲᑐᔾᔨᖃᑎᒌᑦ ᑭᕙᓪᓕᖅ ᐃᓄᐃᖅ ᑲᑐᔾᔨᖃᑎᒌᖏᓐᓂ. ᑕᐃᕕᑎ, ᐱᕈᖅᓴᓂᑯ ᑲᖏᖅᖠᓂᕐᒥ, ᓴᒃᑯᑯᓐᓄ ᐃᓚᒋᔭᐅᓕᖅᑐᓂ ᐱᓕᒻᒪᔅᓯᒪᓂᖓᓐᓄᑦ ᓇᒻᒥᓂᖃᑎᖃᕐᓂᖓᓐᓂ ᐃᒻᒥᓂᓄᑦ, ᐃᓄᐃᑦ ᑲᑐᔾᔨᖃᑎᒌᖏᓐᓂ ᐊᒻᒪᓗ ᒐᕙᒪᒃᑯᓐᓃᓚᐅᖅᓯᒪᓪᓗᓕ ᐊᔾᔨᒌᙱᑦᑐᓄᓪᓗ ᑲᑎᒪᔨᐅᖃᑦᑕᖅᓯᒪᓪᓗᓂ ᐅᑭᐅᓄᑦ 28−ᓄᑦ ᐱᓕᕆᖃᑦᑕᖅᑐᓂ ᐱᓕᒻᒪᔅᓯᒪᑦᑎᐊᖅᑐᓂᓗ. ᑲᑯᒃᑎᓂᖅ ᐃᓚᒋᔭᐅᓯᒪᓕᖅᑐᖅ ᓴᒃᑯᑯᓐᓄ ᓯᑎᐱᕆᒥ 2012-ᒥᓂᑦ, ᓯᕗᓪᓕᖅᐹᒥ ᐊᐅᓚᑦᑎᔨᐅᓪᓗᓂ ᐊᐅᓚᓂᕐᒧᑦ (2012-2015), ᐊᖏᔪᖅᑳᑉ ᑐᖏᓕᕆᑦᑕᓕᖅᑳ (2015-2016). ᑕᐃᕕᑎ ᓴᖅᑭᔮᖅᑎᑦᑎᓲᖅ ᐊᖏᔪᖅᑳᖑᓪᓗᓂ ᐃᖅᑲᓇᐃᔭᖅᑎᓄᓪᓗ ᓯᕗᓕᖅᑎᐅᓪᓗᓂ ᒫᔾᔨᒥᓂᑦ 2016−ᒥ. [...]
ᑖᒥ ᐋᑲᕚᒃ
ᑖᓯ ᐋᑭᕚᒃ ᐃᓕᓚᐅᖅᓯᒪᔪᖅ ᕿᑭᖅᑕᓂᒃᑯᓐᓄᑦ ᓄᓇᓕᓐᓂ ᑲᑎᒪᔨᐅᓪᓗᓂ ᑭᒻᒥᕈᒧᑦ 2023−ᒥᑦ ᓂᕈᐊᕐᓂᖅᑕᖃᖅᑎᓪᓗᒍ, ᐱᖓᔪᐊᓐᓂ ᐃᓕᓯᒪᓕᖅᑐᖅ ᕿᑭᖅᓂᒃᑯᓐᓄᑦ ᑲᑎᒪᔨᐅᓪᓗᓂ. ᑕᐃᑲᓂᔅᓴᐃᓐᓇᖅ ᐊᕐᕌᒍᒥ, ᑎᒃᑯᐊᖅᑕᐅᓪᓗᓂ ᕿᑭᖅᑕᓂᒃᑯᑦ ᓯᕗᓕᖅᑏᑦ ᑲᑎᒪᔨᕋᓛᖏᓐᓄᑦ, ᑲᒪᓕᖅᑐᓂ ᕿᑭᖅᑖᓗᒃ ᑯᐊᐳᕇᓴᒃᑯᓐᓂ. ᑕᐃᒪᓐᓂ ᓯᕗᓪᓕᖅᐹᒥ ᓂᕈᐊᖅᑕᐅᒻᒪᑦ 2014−ᒥ, ᑖᒥ ᓯᕗᓕᖅᑎᕈᖅᐸᓪᓕᐊᓕᓚᐅᖅᓯᒪᕗᖅ, ᐃᔅᓯᕙᐅᑕᐅᓪᓗᓂᓗ ᐃᓚᒌᑐᓄᑦ ᑮᓇᐅᔭᓕᕆᓂᕐᒥᑦ ᑲᑎᒪᔨᕋᓛᖏᓐᓄᑦ, ᓄᓇᓕᕆᓂᕐᒧᑦ ᑲᑎᒪᔨᕋᓛᖏᓐᓄᑦ, ᑐᙵᕕᒃᑯᓄᓪᓗ ᐆᒪᔪᓕᕆᓂᕐᒧᑦ ᑲᑎᒪᔨᕋᓛᖑᑕᐅᓪᓗᓂ. ᐱᓕᕆᓯᒪᔪᖅᐹᓘᓪᓗᓂ ᓄᓇᓕᓐᓂᑦ ᐅᑭᐅᖅᑕᖅᑑᓪᓗ ᒐᕙᒪᒃᑯᖏᓐᓂ ᑕᐅᕗᖔᓗ 1980−ᖏᓐᓄᑦ, ᑖᒥ ᓄᓇᓕᓐᓂᑦ ᐱᔨᑦᑎᕋᖅᓯᒪᔪᕐᔪᐊᖅ ᓯᕗᓕᖅᑎᐅᖃᑦᑕᖅᓯᒪᓪᓗᓂᓗ. ᒫᓐᓇ ᑐᑭᒧᐊᑦᑎᑦᑎᔨ ᑲᑕᓐᓂᓕᒃ [...]
ᐅᓛᔪ ᐊᑭᓱ
ᐅᓛᔪ ᑲᑎᒪᔨᐅᖃᑕᐅᓯᒪᐃᓐᓇᖅᑐᖅ ᐅᑭᐅᖅᑕᖅᑐᒥ 1999−ᒥᓂᑦ ᐊᔅᓱᕈᐃᓐᓇᖅᑐᓂᓗ ᐃᑲᔪᕋᓱᐊᖅᑐᓂ ᐃᓄᓐᓂᑦ ᕿᑭᖅᑖᓗᒻᒥ ᐱᓇᓱᐊᖏᓐᓇᖅᑐᓂᓗ. ᒪᓕᒐᓕᐅᖅᑎᐅᖃᑕᐅᓪᓗᓂ ᕿᑭᖅᑖᓘᑉ ᓂᒋᐊᓄᑦ 1999−ᒥᓂᑦ 2008−ᒧᓄᑦ. ᒪᓕᒐᓕᐅᖅᑎᐅᓂᖓᓐᓂ, ᒥᓂᔅᑕᐅᓚᐅᖅᓯᒪᒻᒥᔪᖅ ᐅᔭᕋᕐᓂᐊᖅᑐᓕᕆᓂᕐᒧᑦ, ᐊᕙᑎᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᐊᒻᒪᓗ ᐃᖏᕐᕋᔪᓕᕆᓂᕐᒧᑦ. ᐅᓛᔪᖅ ᐱᖓᓱᐊᖅᑎᖅᑐᓂ ᐃᓕᓯᒪᓚᐅᖅᓯᒪᔪᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ ᑲᑎᒪᔨᐅᓂᕐᒧᑦ, ᒪᕐᕈᐊᖅᑎ ᑲᑎᒪᔨᐅᓪᓗᓂ ᑭᓐᖓᕐᓄᑦ, ᐊᖏᔪᖅᑳᑉ ᑐᖏᓕᕆᓪᓗᓂᐅᒃ ᐊᒻᒪᓗ ᒫᓐᓇᕈᓗᒃ ᓂᕈᐊᖅᑕᐅᓪᓗᓂ ᕿᑭᖅᑕᓂᒃᑯᓐᓄᑦ ᐊᖏᔪᖅᑳᖑᓪᓗᓂ. ᑕᐃᑲᓂ, ᐃᑲᔪᓚᐅᖅᓯᒪᔪᖅ ᐃᓄᐃᑦ ᐊᑦᑐᖅᑕᐅᓂᐊᕐᓂᖓᓐᓄᑦ ᐱᕚᓪᓕᕈᑎᔅᓴᓄᓪᓗ ᐊᖏᕈᑎᖓᓐᓂ (IIBA) ᓄᓘᔮᒧᑦ, ᐃᔅᓯᕙᐅᑕᐅᖃᑕᐅᓪᓗᓂᓗ ᐃᓄᐃᑦ ᐊᑦᑐᖅᑕᐅᓂᐊᕐᓄᖓᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ [...]
Hᐊᐅᕆ ᕙᓚᐅᕈᑎ
Hᐊᐅᕆ ᐊᖏᔪᖅᑳᖑᓚᐅᖅᓯᒪᔪᖅ ᐊᒻᒪᓗ ᐃᖅᑲᓇᐃᔭᖅᑎᓄᑦ ᓯᕗᓕᖅᑎᐅᓪᓗᓂ ᓄᓇᓯᒃᑯᓐᓄᑦ ᑲᑎᒪᔨᐅᖃᑕᐅᓯᒪᐃᓐᓇᖅᑐᖅ 2009−ᒥᓂᑦ. ᐱᔨᑦᑎᖅᓯᒪᓪᓗᓂᓗ ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ ᐊᖏᔪᖅᑲᖑᓪᓗᓂ ᐃᖅᑲᓇᔭᖅᑎᓄᓪᓗ ᓯᕗᓕᖅᑎᐅᓪᓗᓂ 2009−ᒥᓂᑦ. ᕼᐊᐅᕆ ᐊᒥᓱᓂᑦ ᐃᓕᓴᕆᔭᐅᔾᔪᑎᑖᖅᓯᒪᔪᖅ ᑐᓂᕐᕈᓯᐊᖅᑖᖅᓯᒪᓪᓗᓂᓗ ᐃᑲᔪᖃᑦᑕᖅᓯᒪᓂᖓᓐᓄ ᓄᓇᕗᒻᒥ ᐃᓄᖁᑎᖏᓐᓂᓪᓗ. ᒫᓐᓇᕈᓗᒃ, ᐃᓕᓴᕆᔭᐅᔾᔪᑎᑖᓚᐅᕐᒥᔪᖅ ᑲᓇᑕᒥ ᑲᑎᒪᔨᖏᓐᓂ ᓄᓇᖃᖅᑳᖅᑐᒥᓃᑦ ᓇᒻᒥᓂᖃᕐᓂᖏᓐᓄᑦ ᖃᐅᔨᒪᔭᐅᑦᑎᐊᖅᑐᓂᑦ ᐃᓅᓯᓕᒪᕐᒧᑦ ᑲᔪᓯᓯᒪᓂᖏᓐᓄᑦ ᑐᓂᕐᕈᓯᐊᕐᒥᑦ ᐊᒻᒪᓗ ᓄᓇᖃᖅᑳᖅᑐᒥᓂᕐᓄᑦ ᐃᓄᓐᓄᑦ ᐅᑭᐅᓄᑦ ᐊᕙᑎᓄᑦ ᐃᖅᑲᓇᐃᔭᖅᓯᒪᓂᖓᓐᓄᑦ. ᐱᖓᓲᔪᖅᑐᓂᒃ ᐃᖅᑲᓇᐃᔭᖅᑎᓄᑦ ᓯᕗᓕᖅᑎᐅᓯᒪᔪᑐᐊᑦ ᑲᓇᑕᒥ ᐊᑦᑎᖅᑕᐅᓯᒪᔪᑦ ᓯᓚᕐᔪᐊᒥ ᐃᖅᑲᓇᐃᔭᖅᑎᓄᑦ ᓯᕗᓕᖅᑎᑦᑎᐊᕙᐅᓂᖅᐹᖑᓂᖏᓐᓄᑦ ᑕᐃᑯᓄᖓ “ᐅᓪᓗᒥ ᐃᖅᑲᓇᐃᔭᖅᑎᓄᑦ ᓯᕗᓕᖅᑎᖏᑦ” [...]
ᑳᕈ ᐅᑮᑉ
ᑳᕈ ᐅᑮᑉ ᐃᖅᑲᓇᐃᔭᖅᓯᒪᓕᖅᑐᖅ 23−ᓄᑦ ᐅᖓᑖᓄᑦ ᐅᑭᐅᓄᑦ ᐱᓕᕆᖃᑦᑕᖅᓯᒪᔪᕐᔪᐊᖅ ᑲᒪᑦᑎᐊᖅᓯᒪᓪᓗᓂᓗ ᐊᐅᓚᑦᑎᔨᐅᓪᓗᓂ ᐴᓗᒃᑯᓐᓄᑦ, ᐃᓕᓚᐅᖅᓯᒪᔪᖅ ᐊᑦᑑᑉᐱᕆ 2024−ᒥ. ᐃᖅᑲᓇᐃᔮᒥᓂᒃ ᐱᒋᐊᓚᐅᖅᓯᒪᔪᖅ ᒪᕐᕉᓐᓄᒃ ᐊᕐᕌᒎᓐᓄᒃ ᐃᓕᓐᓂᐊᖅᑐᓂ ᖃᐅᔨᓴᖅᑐᓕᕆᓂᕐᒥᑦ ᑕᐃᑲᓂ NAIT−ᑯᓐᓂ ᑕᐃᒪᙵᓂ ᐱᓕᕆᓯᒪᔪᖅ ᑕᑯᓐᓇᖅᑕᒥᓂᓪᓗ ᐅᑭᐅᖅᑕᖅᑐᒥ ᑲᔪᓯᑎᑦᑏᓐᓇᖅᑐᓂ. ᑕᐃᒪᙵᓂ ᐴᓗᒃᑯᓐᓃᓕᕐᖓᑦ ᓰᑏᑉᐱᕆ 2012−ᒥᓂᑦ, ᑳᕈ ᐊᐅᓪᓚᖃᑕᐃᓐᓇᓚᐅᖅᑐᖅ ᓄᓇᓕᓐᓄᑦ ᓄᓇᕗᒥ ᓄᓇᑦᑎᐊᒥᓗ, ᐊᖏᕐᕋᓖᑦ ᑕᑎᖃᖅᑐᑦ ᑕᑯᓐᓇᖅᑕᒥᓂᒃ ᐱᔨᑦᑎᑦᑎᐊᖅᑕᐅᖁᓪᓗᓂᒋᑦ. ᐱᓕᕆᑦᑎᐊᖅᑐᐊᓗ ᖃᓄᐃᖁᓇᒋᓪᓗ ᐱᔨᑦᑎᖅᑕᐅᔪᑦ ᓇᒻᒥᓂᕐᓗ ᐱᓕᕆᔪᒪᑦᑎᐊᖅᑐᓂ ᐃᑲᔪᖅᑐᖅ ᐃᓄᓐᓂᑦ ᐊᑲᐅᔪᒦᖁᓪᓗᒋᓪᓗ. ᑳᕈ ᔭᓗᓇᐃᕝᒨᓚᐅᖅᓯᒪᔪᖅ 1997−ᒥ [...]
ᒪᓚᐃᔭ ᔨᐅᕐ
ᒪᓚᐃᔭ ᐅᐱᒋᔭᖃᑦᑎᐊᖅᑐᖅ ᐃᓅᓪᓗᓂ ᐊᕐᓇᐅᓪᓗᓂ, ᐃᓅᓯᒪᔪᖅ ᐱᕈᔅᓴᓯᒪᓪᓗᓂᓗ ᐃᖃᓗᓐᓂ, ᓄᓇᕗᒻᒥ ᒫᓐᓇ ᐊᐃᓪᒧᒥᐅᑕᖅ, ᑯᐸᐃᒻᒥ ᐅᐃᒌᒃ ᑎᒻᑯᒃ. ᒪᓚᐃᔭ ᐊᖏᔪᖅᑳᕆᔭᐅᔪᖅ ᓛᒐ ᕿᑭᖅᑖᓗᒻᒧᑦ ᐋᑐᐋᒥ, ᐊᓐᑎᐅᕆᔪᒥ. ᓛᒐ ᕿᑭᖅᑖᓗᒻᒧᑦ ᐋᓐᓂᐊᕕᓕᐊᖅᑐᓄᑦ ᓇᔪᒐᐅᔪᖅ ᐃᓄᓐᓄᑦ ᓄᓇᕗᒻᒦᓐᖔᖅᓯᒪᔪᓂᒃ ᐋᓐᓂᐊᕕᓕᐊᖅᑐᓄᑦ. ᓛᒐ ᐊᖏᕐᕋᕆᐅᕙᑦᑐᖅ ᐃᓄᓐᓅᖓᓇᓱᐊᖅᑐᑎᓪᓗ. ᓂᕆᑎᑦᑎᕙᑦᑐᑦ, ᑐᔪᕐᒥᕕᐅᓪᓗᓂ, ᐅᓯᑲᑦᑕᐸᑦᑐᓂ ᖃᖓᑕᓲᒃᑯᕕᒻᒧᑦ ᖃᖓᑕᓲᒃᑯᕕᒻᒥᓪᓗ ᐃᓂᔅᓴᓕᓐᓄᓪᓗ ᐋᑦᑎᕙᑦᑐᑎᑦ ᐊᐃᔅᓯᐸᑦᑐᑎᓪᓗ. ᒪᓚᐃᔭ ᐃᓄᑦᑎᑑᕈᓐᓇᖅᑐᖅ ᖃᓪᓗᓈᑎᑐᓪᓗ. ᒪᓚᐃᔭ ᐅᑭᐅᓄᑦ ᐊᕙᑎᓄᑦ ᐃᖅᑲᓇᐃᔭᖅᓯᒪᓕᖅᑐᖅ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᑲᑎᒪᔨᐅᖃᑕᐅᖃᑦᑕᖅᓯᒪᓪᓗᓂᓗ ᐊᑐᖅᓯᒪᓪᓗᒋᑦ ᑕᒪᓐᓇ, ᑯᐊᐳᕇᓴᒃᑯᓐᓄᑦ [...]